Evacuado un edificio esta madrugada en Salceda tras rexistrarse un incendio no ático
Por E.P. | SANTIAGO DE COMPOSTELA | 24/04/2024 | Actualizada ás 10:11
Un edificio tivo que ser evacuado na madrugada deste mércores en Salceda de Caselas tras rexistrarse un incendio no ático.
A primeira chamada ao 112 Galicia produciuse sobre as 00.30 horas e explicaba que había lume no ático dun inmoble situado na rúa Victoriano Pérez Vidal. Por iso, os xestores de emerxencias alertaron aos servizos de urxencias do 061, aos Bombeiros do Baixo Miño, á Garda Civil, á Policía Local e a Protección Civil de Salceda.
Os Bombeiros de Ponteareas tamén foron alertados ante a intensidade das chamas no tellado do edificio, que foi desaloxado. Tras realizar os labores de extinción, os profesionais informaron de que arderan os trasteiros, quedándose no punto os bombeiros para arrefriar as vigas.
