Novos incentivos fiscais da Xunta: Tíos, irmás, cuñadas ou noras non tributarán por herdanzas de ata 25.000 euros

A Xunta de Galicia aprobou reducir o imposto de sucesións para herdanzas entre parentes de terceiro grao, 'colaterais', que non tributarán por herdanzas de ata 25.000 euros. Segundo anunciaron este luns en rolda de prensa, tras a celebración do Consello da Xunta, o presidente, Alfonso Rueda, e o conselleiro de Facenda, Miguel Corgos, esta medida afectará a parentes como irmáns, tíos, sobriños, cuñados, sogros e xenros/noras.

Rueda lembrou que este era unha das medidas comprometidas para os primeiros 100 días de goberno; unha iniciativa que segue a liña de rebaixas de impostos de sucesións anteriores. Pola súa banda, e grazas a esas reducións, Corgos lembrou que, de forma efectiva, o 99,9% dos galegos non tributa polas herdanzas recibidas de familiares directos.

A nova medida, explicou o conselleiro, actúa sobre a base impoñible e unifica a redución para todos os parentes colaterais --ata agora diferenciada--. Ao aumentarse ata os 25.000 euros, apuntou, increméntase o límite nun 50% para irmáns e para o resto de parentes, "máis dun 200%".

"As herdanzas de ata 25.000 euros non pagarán nin un euro por impostos", aseverou Corgos, que destacou que isto converte a Galicia na comunidade "máis competitiva" neste ámbito e, a partir de 25.000 euros, "na cuarta máis competitiva". Esta medida, apuntou, pode aplicar a unhas 9.600 persoas ao ano.

A nova medida, explicou o conselleiro, actúa sobre a base impoñible e unifica a redución para todos os parentes colaterais --ata agora diferenciada--. E é que os irmáns non tiñan que pagar nada se a herdanza era de como máximo 16.000 euros e o resto de familiares colaterais, nos legados de ata 8.000 euros.

"As herdanzas de ata 25.000 euros non pagarán nin un euro por impostos", aseverou Corgos, que destacou que isto converte a Galicia na comunidade "máis competitiva" neste ámbito e, a partir de 25.000 euros, "na cuarta máis competitiva".