Condenado a de cinco anos por abusar da filla menor da súa parella

A Sala do Civil e Penal do Tribunal Superior de Xustiza de Galicia (TSXG) confirmou a sentenza da sección segunda da Audiencia Provincial da Coruña na que condenou a cinco anos e un mes de cárcere a un acusado de abusar sexualmente da filla menor de idade da súa parella entre 2015 e 2019, cando a vítima tiña oito anos.

Segundo informa o alto tribunal galego, ratificou, ademais, a imposición dunha indemnización de 10.000 euros e a prohibición de aproximarse ou comunicarse coa vítima durante nove anos. Os maxistrados, apunta, consideran probado que o acusado, "en numerosas ocasións e sen que se poida concretar o seu número exacto", aproveitaba os momentos a soas coa filla da súa parella no domicilio no que convivían para realizarlle tocamentos en contra da súa vontade.

O tribunal asegura que o testemuño da vítima é "sincero, crible, consistente e persistente", así como que das declaracións realizadas por parentes próximos "extráese a existencia da ocasión para cometer os feitos". Na resolución fan referencia tamén aos cambios no comportamento da menor, os cales afirman que corroboran o seu testifical, e aos informes periciais sobre o estado da vítima.

Xuízo por abusos sexuais celebrado na Sección Quinta da Audiencia de Pontevedra