Un total de 21 persoas morreron nas estradas durante esta ponte, só unha en Galicia
A morte galega tivo lugar en Pedrafita do Cebreiro.
Por Europa Press / Redacción | MADRID | 29/07/2024 | Actualizada ás 12:40
Os cinco días da Ponte de Santiago deixaron un total de 21 persoas falecidas en 21 sinistros mortais que tiveron lugar nas estradas españolas, segundo informou este luns a Dirección Xeral de Tráfico (DGT). Do total de falecidos, 13 eran usuarios vulnerables (6 motoristas, 1 condutor de ciclomotor, 3 ciclistas e 3 peóns). Ademais, 16 sinistros ocorreron en vías convencionais e cinco en autoestradas ou autovías, e houbo once saídas da vía, cinco choques e tres atropelos a peón.
Os sinistros tiveron lugar en Fregenal de la Sierra e Mérida (Badaxoz), Formentera (Baleares), Rota (Cádiz), Onda (Castelló), Encinas Reales (Córdoba), La Guardia de Jaén e Iznatoraf (Xaén), Pedrafita do Cebreiro (Lugo), Santorcaz (Madrid), Machacón (Salamanca), Icod de los Vinos (Santa Cruz de Tenerife), Hazas de Cesto (Cantabria), Almadén de la Plata (Sevilla), San Esteban de Gormaz (Soria), Aras dos Olmos e Jalance (Valencia) Ataquines (Valladolid), Lemoa (Biscaia), Mombuey (Zamora) e Villarroya de la Sierra (Zaragoza). No acumulado anual ata o 28 de xullo levan contabilizados 640 persoas falecidas en sinistros de tráfico en España, segundo as cifras publicadas este luns por Tráfico.
