Fegamp acusa á Xunta de "incumprir os seus compromisos" por non integrar as unidades de drogodepencia no SERGAS

O presidente da Federación Galega de Municipios e Provincias (FEGAMP), Alberto Varela, criticou que se as unidades de atención á drogodependencia non está integradas en 2024 no Sergas é porque a Xunta "incumpre os seus compromisos".

Así o fixo este mércores nun comunicado tras a carta enviada polo conselleiro de Sanidade, Antonio Gómez Caamaño, á Fegamp na que lle urxía remitir coa "maior axilidade" a relación de representantes dos grupos e acusaba á Fegamp de "bloquear o proceso" de integración destas unidades.

"O servizo que se presta desde estas unidades aos usuarios dos 13 concellos nos que se sitúan, ademais dos usarios de concellos próximos, é unha cuestión moi seria para que o conselleiro pretenda confundir e desviar a ateción sobre os seus incumprimentos en l aintegraciónen o Sergas e na cobertura das vacantes actuais nesas unidades", afirmou Alberto Varela.

Neste sentido, criticou que o conselleiro "sabe dabondo" que se as unidades de drogodependencia "non están xa integradas" en 2024 no Sergas é porque a Xunta "incumpre os seus compromisos".

Por iso, continuou a Fegamp, o titular de Sanidade "debería preocuparse de resolver" os problemas creados por "os seus incumprimentos" no canto de "falsear a realidade" e responsabilizar á Fegamp e aos concellos.

O trece concellos atenden ese servizo "desde hai anos a pesar de que é unha competencia da Xunta", polo que teñen que facer fronte a "boa parte dos custos".

O secretario xeral do PSdeG, José Ramón Gómez Besteiro, co presidende da Fegamp, Alberto Varela, en declaracións aos medios