Varios buques de guerra rusos son vixilados por fragadas da Armada ao seu paso polo litoral galego
Despois de que os buques rusos saísen de augas de interese español o seguemento realizárono as armadas francesa e portuguesa
Por Europa Press / Redacción | Santiago | 20/11/2024 | Actualizada ás 18:21
As fragatas 'Méndez Núñez' (F-104) e 'Blas de Lezo' (F-103), ambas con porto base en Ferrol, realizaron seguimento a varias unidades navais de guerra rusas no seu tránsito por augas de soberanía española no litoral galego.
Segundo indicou o Ministerio de Defensa nunha nota, a 'Méndez Núñez' encargouse dunha agrupación rusa composta pola fragata 'Neustrashimyy' e o buque de aprovisionamento 'Pashin' no seu tránsito fronte ao litoral galego e ata a súa saída dos espazos marítimos de interese no mar Cantábrico. Tras cumprir o seu labor, transferiu a responsabilidade de seguimento a un buque francés.
Pola súa banda, a 'Blas de Lezo' realizou o seguimento da fragata 'Almirante Golovko', do buque de aprovisionamento 'Vyazma' e do buque de recolección de intelixencia 'Kildin', tamén durante o seu tránsito fronte ao litoral galego. Nesta ocasión, a fragata española relevou a un buque da 'Marine Nationale' francesa neste labor, desde o golfo de Biscaia e ata a súa saída dos espazos marítimos de interese no noroeste peninsular. Nese momento, a 'Blas de Lezo' transferiu a responsabilidade de seguimento a un buque de Portugal.
