Temas: XULIO FERREIRO MARTIñO NORIEGA

Unidade municipal a prol do galego

Once municipios adhírense ao programa "Apego" para defender o idioma. Rexedores de distintas formacións insisten na idea de "socializar" o galego e de ensinalo aos fillos.

Por Galicia Confidencial | A Coruña | 10/04/2016 | Actualizada ás 10:00

Os municipios galegos seguen apostando polo galego. Este sábado once novos concellos sumáronse ao programa colectivo "Apego", creado para fomentar e mellorar a transmisión do galego como lingua inicial e axudar con iso á súa conservación.Na actualidade xa son 23 os concellos que se teñen comprometido seriamente co noso idioma.

Alcaldes, concelleiros e persoal técnico asistiron á firma do anexo no centro Ágora na Coruña, e, así, no documento completo figuran, de maneira inicial, A Coruña, Ames, Mazaricos, Moaña, Muros, Oleiros, Ponteceso, Rianxo, Ribadeo, Teo e Vimianzo. Agora tamén A Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago e Vigo.

En representación dos concellos que formaron parte de "Apego" desde un inicio interviñeron os alcaldes da Baña e de Negreira ademais do anfitrión, o rexedor coruñés, e todos eles coincidiron en celebrar que se poña en valor o idioma.

Así, as intervencións de todos eles fixeron fincapé na importancia da colaboración entre municipios para que os veciños poidan acceder en igualdade de condicións aos programas, como o mencionado, e aos diferentes servizos.

E, por ser "Apego" o tema que os xuntou nesta convocatoria, á que acudiu o rexedor compostelán Martiño Noriega, centraron os seus discursos na situación xeral pola que pasa o galego, difícil, mesmo nos territorios onde a realidade é "aparentemente máis favorable".

En tal sentido, houbo unha mensaxe aos pais e nais para que participen nas accións e nas redes que reforcen a idea de "socializar" en galego, algo que han de inculcar aos seus fillos.

O acto deste sábado estivo presidido polo alcalde da Coruña, Xulio Ferreiro, que quixo aderezar este importante evento cun concerto de música infantil, "Arrolos de salitre".

Temas: XULIO FERREIRO MARTIñO NORIEGA

4 Glo-gló

Como se pode ter tanto fuciño para presentar un programa para meter a dedo a uns cantos sinvergonzas para que vivan do conto do galego a conta dos impodtos, cando saben que o seu "traballo" non vai ter ningún resultado pq o progreso é imparable?

1 teutonio

mande?, o progreso é imparable?, que llo digan a fineses, estonios, dinamarqueses ou noruegueses, sociedades en moitos eidos ben avanzadas e que non abandonaron a súa lingua. Como tampouco o fixeron cataláns ou vascos ou galeses e irlandeses que cada vez falan máis as linguas propias deses territorios. E pola contra penso que en todos os eidos teñen un maior desenvolvemento que aquí en Galicia. Hai que ler e viaxar máis e abandonar os prexuízos de toda a vida galego-retraso, castelán ou inglés-progreso.

3 Quatos

Saberán estas sanguijuelas cuantos idiomas hai no mundo? Ao redor de 7.000. Se contamos os dialectos, poderiamos multiplicar esa cifra varias veces. Pois iso. Un máis, aínda que posiblemente, un dos máis subvencionados e con máis xente vivindo da lingua. As cousas como son.

2 galego. idioma do mundo

É hora de que todos os concellos, sexar da cor que sexan se unan na defensa activa do nos idioma. O galego é un idioma como outro calquera, nin mais nin menos. Xa está ben que os continuos gobernos da Xunta do PP sexan marionetas de FAES e dos poderes medrileños. Os alcaldes están coa xente e co noso pobo. Deben deixar fora da súa actividade as presións dos seus partidos con respecto a este tema. No momento que todas e todos..TODAS. TODOS. apoiemos explicitamente este idioma, sairá do debate político. Por se alguén o esqueceu o idioma galego esixte desde antes do BNG, do PP do PSOE e das novas expresións políticas. O GALEGO NON SÓ É DAS GALEGAS E DOS GALEGOS. O GALEGO É DO MUNDO.

1 Galegando

Ben falado: o galego forma parte do patrimonio cultural mundial.

2 nostrus

O que dis no teu comentario o mesmo pode valer para falar do galego como para falar de Cristo. proba a sustituir galego por Cristo e daraste conta. Tamen poderias sustituilo por Barça ou Real Madrid, só depende do que sexas forofo.

3 Defensor da humanidade

Certo, a cultura galega é como todas as culturas un patrimonio da humanidade. O galego non está no universo porque si, ten un cometido natural. As culturas crean sinerxías entre si, teñen un cometido. e se retroalimentan. O galego é demasiado importante para estar só en mans dos galegos. Todos estamos na obriga de defender todas as culturas, porque a riqueza multicultural saida de sacarlle as culturas o máximo esplendor mediante a sua potenciación, forma parte esencial da evolución humana. Da nosa, e das xeracións futuras.

1 Xan do Porto

O peor que lle puido pasar ao galego é que se asociase á repulsiva estrela vermella do niñato con gorra da foto ou da maioría dos alcaldes asinantes.

1 A era da estupidez

Falaba Umberto Eco, pouco antes de finar, que o aspecto pior das novas tecnoloxías, era que daban voz a un sinfin de im-bé-ci-les, espallando as suas ghi-li-po-lle-ces por toda a red.

2 Xavier

O peor que lle puido pasar ao galego é que o goberno que ten a obriga de defendelo fixo e fai todo o que está na súa man para atacalo e acurrunchalo.

3 nostrus

O galego é unha lingua escasamente útil e innecesaria, pero para moita xente supon o mellor canle de comunicacion e por eso é oficial en Galicia. No eido cultural supon unha parte da cultura galega, xunto con moitos mais elementos e por eso debe ser protexido, pero sin tentar evanxelizar a poboacion, porque cada un sabe o que ten que falar e hai que respetar a liberdade do individuo. No eido patrimonial o galego non supon o maoir patrimonio inmaterial dos galegos como supon o bloque. En tal caso o maior patrimonio inmaterial dos galegos sería "o español" porque ten un valor como cen veces superior ao do galego, tanto a nivel de falantes, de coñecemento ou de material escrito.

4 Gost

Nostrus, non dis máis que bosta.

5 teutonio

Non ho, é mellor que o asocien co votante do PP medio ou co Manolo de Xaniño. Mimá nostrus, entón es ti quen define cal é o maior patrimonio inmaterial do país? e cales son as linguas necesarias e útiles?, pero iso non é de nacionalistas que definen a realidade como lles convén?. E deixa de empregar argumentos que descoñeces, un idioma é comunicación, é diferenciación e exclusión (ao non saír na vida de España imaxino que non saberás de que falo) e tamén é identidade. Por moito que vos foda, as linguas son moito máis que "canles de comunicación" que dependendo do número de falantes ou do seu valor no mercado teñen máis ou menos importancia. E non pode haber liberdade de escolla e decisión mentras pervivan prexuízos, marcas negativas e comportamentos diglósicos.