O Helicóptero de Gardacostas rescata seis tripulantes dun veleiro ao norte de Asturias
Por E.P. | SANTIAGO DE COMPOSTELA | 10/04/2025 | Actualizada ás 19:55
O helicóptero Pesca II, do Servizo de Gardacostas de Galicia, participou na tarde deste xoves no rescate de seis persoas no norte de Asturias.
Segundo informou o CIAE 112 Galicia, o suceso tivo lugar sobre as 14,30 horas e todos os implicados atópanse en bo estado.
O veleiro, que conforme informaron fontes de Salvamento Marítimo ten bandeira dos Países Baixos e armador español, sufrira unha vía de auga con seis tripulantes a bordo, con perigo de afundirse.
Salvamento Marítimo solicitouse a colaboración de máis medios para efectuar o rescate, polo que o helicóptero do Servizo de Gardacostas de Galicia, a Pesca II, acudiu ata a zona, onde puido recoller ás persoas implicadas e trasladalas ata o aeroporto de Avilés, atopándose todas en bo estado.
