Baixa a inflación en Galicia pero a vivenda, a auga e a electricidade seguen subindo

O índica de prezos de consumo (IPC) baixou un 0,2% en marzo en Galicia en relación ao mes anterior e recortou oito décimas a súa taxa interanual, ata o 1,9%, por baixo da media, o seu valor máis baixo desde setembro pasado, segundo os datos publica este venres o Instituto Nacional de Estatística (INE).

Na comunidade galega, a inflación está motivada pola evolución dos prezos da vivenda, auga, electricidade, gas e outros combustibles (+5,1%), restaurantes e hoteis (+4,1%) e outros bens e servizos (+3,4%). Baixan os prezos sobre todo do transporte (-0,7%). En calquera caso, a evolución mensual, esa caída do 0,2%, débese sobre todo á variación respecto de febreiro dos prezos da vivenda, auga, electricidade, gas e outros combustibles (-1,9%).

No conxunto do Estado, o IPC subiu un 0,1% en marzo en comparación con febreiro e recortou sete décimas a súa taxa interanual, ata o 2,3%, o seu valor máis baixo tamén, neste caso desde o pasado mes de outubro, cando se situou no 1,8%. Co descenso do IPC interanual no terceiro mes do ano, a inflación pon fin a cinco meses consecutivos de ascensos.

Un poste eléctrico, a 14 de marzo de 2025, en Madrid (España). O Índice de Prezos de Consumo (IPC) subiu un 0,4% en febreiro en relación ao mes anterior e elevou unha décima a súa taxa interanual, ata o 3%. A inflación, por tanto, encadea cinco. Marta Fernández - Europa Press | Fonte: Europa Press