Alerta amarela por treboadas e fortes choivas en toda Galicia este venres
Agárdanse choivas de máis de 15 litros por metro cadrado.
Por Europa Press / Redacción | SANTIAGO DE COMPOSTELA | 01/05/2025 | Actualizada ás 12:15
A Axencia Estatal de Meteoroloxía (Aemet) activou unha alerta amarela por treboadas e fortes choivas en Galicia para este venres, 2 de maio. En concreto, esta alerta irá desde mediodía ata medianoite nas catro provincias por treboadas localmente fortes e choivas de máis 15 litros por metro cadrado.
Pola súa banda, Meteogalicia explica que este venres entra a Galicia unha borrasca polo sur, desde Portugal, tras unha xornada de xoves de transición tamén con algún chuvasco illado. As temperaturas mínimas do venres experimentarán un lixeiro ascenso, con máximas sen cambios. O vento soprará de dirección variable, con especial predominancia sur no interior.
