Rueda: "É lóxico converter a cheminea de Alri nunha icona"

O presidente da Xunta, Alfonso Rueda, defende como "lóxica" a proposta da Xunta de converter a cheminea de 75 metros de Altri nunha icona. O informe de Patrimonio Cultural, un dos máis de 30 nos que se basea a declaración de impacto ambiental á que deu luz verde a Xunta, aposta por converter "nunha icona" a cheminea mediante a súa cor --fixa nun informe tons como o verde, marrón ou gris que "se mimeticen coa contorna"--, a súa forma e a través de "incorporar elementos decorativos ou artísticos que a convertan nun elemento icónico en lugar dunha intrusión visual".

Cuestionado sobre este extremo, Rueda cre que "é lóxico" conseguir a "maior integración na paisaxe" e que se "busque a maior integración coa contorna no que vaia a estar".  "A min faime moita graza, os mesmos que critican esta intención son os que están a pedir que se declare BIC unha cheminea que é catro ou cinco veces máis alta", di en alusión á central das Pontes. "Por tanto, esas contradicións, unha non vale, dependendo de que sexa, e outra hai que conservala cun impacto visual moito maior custe o que custe", agrega. "Por tanto, un exemplo máis das incoherencias que estamos a ver neste asunto", conclúe.

COMPENSACIÓNS

Por outra banda, nega que poida haber compensacións por parte do Goberno galego a Altri no caso de que non salga adiante o proxecto da fábrica de Palas de Rei . "En absoluto", asegura ao tempo que defende a idea de facer da cheminea da megacelulosa unha icona.

Así o afirmou a preguntas da prensa tras o Consello deste luns, onde Rueda sinalou que este caso, como en "calquera proxecto industrial", a Xunta ten que "cumprir" coas súas "obrigas de tramitación e autorización". "Estamos a cumprir coas nosas obrigas, volvo dicilo outra vez, coa intención de que todos os proxectos industriais que sexan viables en Galicia póidanse implantar", remarca.