Desarticulada unha banda dedicada ao roubo en vivendas en Ourense con oito detidos

A Garda Civil, no marco da operación denominada Vertixe, detivo a oito persoas por supostamente pertencer a unha organización criminal dedicada ao roubo con forza en vivendas habitadas da provincia de Ourense. Segundo informa a Benemérita, a investigación comezou tras varios roubos de xoias e diñeiro por un valor de 500.000 euros en vivendas das localidades de Avión e de Beariz.

A operación foi desenvolvida polas unidades orgánicas de policía xudicial de Ourense e Tarragona, GAR e GRS de Barcelona, USECICs de Barcelona e Tarragona, servizo cinolóxico e unidade orgánica de policía xudicial de Castelló. Así, durante a mesma leváronse a cabo oito rexistros domiciliarios en Barcelona, Tarragona e Castelló, incautándose dúas pistolas, 2.100 plantas de marihuana e varios efectos utilizados nos roubos.

Ademais, acháronse 10 quilos de haxix, 100 quilos de cogollos e 7.300 euros en efectivo, así como lámpadas e material para plantacións indoor. Os detidos foron localizados en Ourense, pero no momento da súa identificación déronse á fuga, sendo detidos finalmente en varias provincias españolas como Barcelona, Tarragona e Castelló.

Impútanselles 14 delitos de roubo con forza en vivenda, pertenza a organización criminal, tráfico de drogas, branqueo de capitais, un delito contra a seguridade do tráfico e atentado a axentes da Autoridade. Todos eles pasarán a disposición do Xulgado de Instrución número 1 de Ribadavia. A operación permitiu esclarecer ata 14 roubos.

Detidas oito persoas tras desarticular unha organización dedicada ao roubo en vivendas en Ourense.. GARDA CIVIL | Fonte: Europa Press