Evacuado un tripulante dun pesqueiro galego fronte ás costas de Xixón

Salvamento Marítimo participou este venres na evacuación médica dun tripulante do pesqueiro galego Maruxia Dous, segundo comunicaron a través das redes sociais. O barco, no momento da evacuación, atopábase a 12 millas ao Nordés de Xixón. Ata o lugar mobilizouse a embarcación de rescate Salvamar Rigel. Foi trasladado ao porto xixonés do Musel, onde se atopaba xa esperando unha ambulancia, que fixo unha primeira avaliación do tripulante.

Pesqueiro galego 'Maruxia Dous' | Fonte: VesselFinder