Retencións na A-6 despois de envorcar un camión que transportaba 40 toneladas de cervexa en Aranga
O Consorcio Provincial de Bombeiros trasladou que ao momento se desprazaron efectivos do parque de Betanzos e que se habilitou un desvío pola N-6, á altura do 560
Por E.P. | SANTIAGO DE COMPOSTELA | 28/05/2025 | Actualizada ás 18:15
Un camión que transportaba 40 toneladas de cervexa envorcou na tarde deste mércores no quilómetro de 553 da autovía A-6, en Aranga. O condutor, que foi auxiliado por varios particulares no punto, foi trasladado ao Complexo Hospitalario Universitario da Coruña (CHUAC).
Segundo informou o CIAE 112 Galicia, varias persoas alertaron do suceso sobre as 14,40 horas e explicaron que o camión cortaba por completo a circulación en sentido Madrid.
Pola súa banda, o Consorcio Provincial de Bombeiros trasladou que ao momento se desprazaron efectivos do parque de Betanzos e que se habilitou un desvío pola N-6, á altura do 560.
O suceso provocou importantes retencións e numerosos camións permanecían detidos á espera de poder retomar a circulación.
