Os alugueiros seguen polas nubes, soben un 7% en Galicia
No mes de maio os prezos do aluguer en Galicia disparáronse un 7,1%, en comparación co ano anterior.
Por Europa Press / Redacción | SANTIAGO DE COMPOSTELA | 02/06/2025 | Actualizada ás 10:51
O prezo do aluguer en España experimentou unha subida interanual do 9,9% en maio, ata situarse nos 14,5 euros por metro cadrado, dato que supón unha nova "marca histórica" das rendas de aluguer en España, segundo o último informe de prezos publicado por Idealista.
Así mesmo, o portal inmobiliario destacou que no últimos tres meses o prezo do aluguer creceu un 3,9%, mentres que no último mes a subida foi do 1,7%. Por comunidades autónomas, as rendas subiron en todas as rexións en taxa interanual, con Madrid liderando as subidas do prezo do aluguer (+12,4%). Galicia sitúase nun 7,1% de media estatal.
Séguenlle A Rioxa (+11,5%), Cataluña (+11,4%), Castela-A Mancha (+11,3%), Andalucía (+11,1%), Comunidade Valenciana e Aragón (+10,9% en ambos os casos), Castela e León (+10,5%) e Asturias (+10%).
