Prisión provisional para dous dos catro detidos pola pelexa na praza de Barcelos, en Pontevedra
Por E.P. | PONTEVEDRA | 07/06/2025 | Actualizada ás 10:52
A maxistrada do Xulgado de Instrución número 3 de Pontevedra decretou o ingreso en prisión provisional, comunicada e sen fianza, de dous dos catro detidos pola pelexa deste martes na praza de Barcelos.
Segundo informou o Tribunal Superior de Xustiza de Galicia (TSXG), as outras dúas persoas detidas foron postas en liberdade con comparecencias apud acta, retirada do pasaporte, prohibición de saída do territorio nacional e prohibición de aproximación e comunicación coas vítimas.
Os detidos están investigados por delitos de lesións agravadas e homicidio en grao de tentativa. Na pelexa, que se produciu sobre as 19.00 horas do martes, tres persoas resultaron feridas por arma branca e a Policía Nacional busca a un quinto implicado, que xa está identificado.
