PSdeG critica a Rueda pr non participar no plan de vivenda do Goberno: "Unha vez máis, opta polo bloqueo"
Por E.P. | SANTIAGO DE COMPOSTELA | 08/06/2025 | Actualizada ás 12:16
O secretario de Política Municipal do PSdeG e alcalde de Cerceda, Juan Manuel Rodríguez García, criticou este domingo a negativa do presidente da Xunta, Alfonso Rueda, a participar no Plan de Vivenda 2026-2030 proposto polo Goberno de España na Conferencia de Presidente celebrada este venres en Barcelona.
Segundo lembrou, esta iniciativa prevía un investimento total de 7.000 millóns de euros en colaboración coas comunidades autónomas e incluía medidas como a declaración de vivenda protexida, a creación dun rexistro público de prezos "reais" de compra e aluguer, e a promoción de vivenda pública a través da colaboración cos concellos.
"É unha proposta seria, con investimento do Estado asegurada e instrumentos reais. Pero unha vez máis, Rueda opta polo bloqueo", sinalou Juan García. Ademais, asegurou que a negativa da Xunta deixa a Galicia "sen acceso a novos recursos para ampliar o parque de vivenda protexida, nun momento no que hai máis de 22.000 persoas inscritas no Rexistro Único de Demandantes de Vivenda".
Con todo, aseverou que "o que está en xogo" non é un debate político senón unha "necesidade real" e lamentou que Galicia "queda atrás porque Rueda escolle seguir o guión de Feijóo antes que defender aos galegos e galegas que están a esperar por un fogar".
