Os xardíns do Pazo do Faramello entran a formar parte do itinerario cultural europeo de xardíns históricos

Turismo de Galicia propuxo que os xardíns do Pazo do Faramello entren a formar parte do itinerario cultural europeo de xardíns históricos. Segundo informou a Xunta nun comunicado, esta proposta foi formulada durante a última asemblea anual dos membros integrantes deste itinerario cultural, que tivo lugar en Bruxelas o pasado mes de maio.

Con esta incorporación, son 10 os xardíns galegos que forman parte deste itinerario: os do Pazo de Mariñán, da Alameda de Santiago de Compostela, do Pazo do Faramello, do Pazo de Oca, do pazo de Santa Cruz de Ribadulla, do Pazo de Rubianes, do Pazo de Quinteiro da Cruz, do Castelo de Soutomaior, do Pazo de Lourizán e do Pazo de Quiñones de León.

Pazo Faramello | Fonte: Arquivo