Liberan unha persoa do seu coche logo dunha saída de vía e caer por un desnivel en Cangas

Unha persoa tivo que ser liberada do coche que conducía tras sufrir unha saída de vía e caer por un desnivel de dez metros de altura en Cangas.

Segundo informa o 112 Galicia, o sinistro ocorreu pouco despois das 14.30 horas, na rúa do Trigal, na parroquia do Hio.

Tras a chamada dun particular, o 112 informou os bombeiros do Morrazo. Unha vez alí, estes efectivos axudaron a estabilizar o vehículo accidentado e a liberar á persoa implicada, pero sen chegar a empregar material de excarceración.

No operativo tamén participaron Urxencias Sanitarias-061, a Garda Civil de Tráfico, a Policía Local e Protección Civil de Cangas.

Axente da Garda Civil de Tráfico | Fonte: GARDA CIVIL - Arquivo