Juan Carlos I e os Reis de España visitan Galicia

As provincias de Pontevedra e Lugo acollerán a próxima semana as visitas, por motivos distintos, de Juan Carlos I e dos Reyes, respectivamente. Así o pai de Felipe VI, segundo fontes da súa contorna consultadas por Europa Press, chegará este luns a Sanxenxo para participar, previsiblemente, nas regatas que se disputan a fin de semana. Esta será a terceira viaxe de Juan Carlos I a Galicia no que vai de ano e a competición, na que xa está inscrito para participar como patrón do 'Bribón', terá lugar o venres, sábado e domingo.

Pola súa banda, os Reis visitarán este martes a localidade lucense de Burela. Alí, coñecerán, na Confraría de Pescadores, a situación actual do sector pesqueiro; percorrerán a nave de traballo Redeiras; visitarán un barco boniteiro histórico; e observarán unha descarga de peixe, así como a poxa na lonxa. Estas visitas prodúcense xusto un mes antes de que a princesa de Asturias, Leonor de Borbón e Ortiz, chegue a Marín a bordo do Juan Sebastián de Elcano onde será nomeada filla adoptiva deste municipio pontevedrés e recolla na Base Naval o despacho militar de mans do seu pai.

Juan Carlos I durante unha regata en Sanxenxo e os Reyes, Felipe VI e Letizia, nunha visita a Combarro | Fonte: Europa Press - Arquivo