A Xunta somete a información público o Plan Especial de Protección Civil ante o risco radiológico (Perrgal)

O Diario Oficial de Galicia publica este luns a resolución da Dirección Xeral de Emerxencias e Interior pola que se somete a información pública o proxecto de Decreto do Plan Especial de Protección Civil ante risco radiolóxico (Perrgal).

A normativa estatal establece que o risco derivado de accidentes en instalacións ou procesos nos que se utilicen ou almacenen sustancias químicas, biolóxicas, nucleares ou radioactivas debe ser obxecto de plans especiais de protección civil.

E a normativa autonómica sinala que corresponde á Dirección Xeral de Emerxencias e Interior a planificación e coordinación das políticas de protección civil e emerxencias, no marco das competencias da Comunidade Autónoma de Galicia. Por iso, esta dirección xeral elaborou un proxecto de decreto polo que se aproba ese Perrgal e, desde este martes, o documento queda sometido a información pública durante un período de 30 días hábiles, co fin de que as persoas ou entidades interesadas poidan coñecelo e presentar alegacións.

O proxecto de decreto sobre o Perrgal estará dispoñible na sede da Dirección Xeral de Emerxencias e Interior e no portal de transparencia da Xunta, onde tamén se poderán presentar as alegacións (ademais de en as oficinas de rexistro e atención á cidadanía, ou en calquera das formas previstas pola lexislación).

Sistema de radioloxía dental en tres dimensións | Fonte: HM