Rescatados catro mozos que quedaron varados coa súa embarcación en Noia
Por Europa Press / Redacción | SANTIAGO DE COMPOSTELA | 27/06/2025 | Actualizada ás 09:34
Catro mozos tiveron que ser rescatados na tarde-noite deste pasado xoves tras quedar varados coa súa embarcación na localidade coruñesa de Noia.
Foi Salvamento Marítimo o que alertou ao 112 Galicia sobre as 21.00 horas de que unha embarcación, con catro persoas a bordo, quedara varada á altura de Punta Peón, en Barro, Noia.
Por iso, o Centro Integrado de Atención ás Emerxencias solicitou a axuda do GES de Muros e Noia e da Garda Civil. Tamén se avisou en todo momento do operativo a Salvamento e ao Servizo de Gardacostas de Galicia.
Grazas a unha moto de auga, os membros de GES chegaron ao lugar, unha zona con moi pouco calado, procedendo ao rescate dos mozos e o seu traslado a terra en "perfecto estado".
