A praia da Magdalena en Cedeira volve ser apta para o baño despois dun episodio de contaminación por E. coli

A Consellería de Sanidade informou este luns de que dá por superado o episodio de contaminación microbiolóxica detectado a semana pasada na praia da Magdalena, en Cedeira, no que se rexistraron niveis de E.coli "por enriba do máximo recomendado para o baño". O Servizo de Control trasladou ao Concello de Cedeira que os resultados dos parámetros microbiolóxicos na última analítica realizada mostran "niveis aceptables dentro dos límites establecidos pola normativa vixente para augas de baño". Así, Sanidade explicou no aviso que "se retira a recomendación de absterse do baño, podendo volver facerse uso da praia con normalidade".

Praia da Magdalena, no concello de Cedeira | Fonte: Concello de Cedeira