Extinguido un incendio no Grove tras queimar 5.000 metros cadrados de monte raso
O lume, na zona da Bodeira, xerou preocupación pola proximidade a unha masa de árbores e os fortes refachos de vento.
Por Europa Press / Redacción | Santiago de Compostela | 07/07/2025 | Actualizada ás 17:41
Un incendio foi extinguido este luns no concello pontevedrés do Grove tras calcinar 5.000 metros cadrados de matogueiras e monte raso, concretamente na zona da Bodeira, segundo fontes do Concello.
Pola súa banda, o alcalde do municipio, José Antonio Cacabelos, explicou a Europa Press que o lume se iniciou pouco despois das 12.00 horas e que a preocupación principal era que se estendese a unha zona arboredo próximo debido aos "fortes refachos de vento do norte".
Ata alí mobilizáronse os Servizos de Emerxencias, persoal da Consellería do Medio Rural, quen confirmou a Europa Press que se trata dun incendio agrícola e non forestal, e un helicóptero contra incendios para apoiar ao dispositivo de extinción. Con todo, os Servizos de Emerxencias do Grove e medios da Consellería continúan refrescando a zona para facer unha "área de protección".
