Rescatados catro novos en Rianxo que non podían volver a terra cunha pedaleta

Catro novos foron rescatados durante a tarde deste luns tras ter dificultades para regresar a terra mentres navegaban nunha pedaleta na praia de Tanxil, en Rianxo. Segundo informa o 112 Galicia, sobre as 17.10 horas recibiu unha chamada dun particular indicando que estas persoas non podían achegarse á costa, xa que o mar arrastrábaos cara ao interior. Así, mobilizouse a efectivos da Garda Costeira Galega e de Salvamento Marítimo, ademais da Garda Civil, a Policía Local e o persoal de Protección Civil de Rianxo. Foi este último, a bordo dunha embarcación, quen recolleu aos mozos e levounos a terra.

Praia de Tanxil, en Rianxo | Fonte: Turismo de Galicia - Arquivo