Lugo baralla pasar un festivo do Entroido para o Arde Lucus

A Alcaldesa destaca o éxito e a implicación total dos lucenses nesta festa histórica e agarda que este ano sexa Festa de Interese Nacional.

Por Galicia Confidencial | Lugo | 21/06/2016 | Actualizada ás 09:00

Comparte esta noticia

A alcaldesa de Lugo, Lara Méndez, destacou este luns que o Concello estuda fixar como festivo local o venres ou o luns posterior ao Arde Lucus logo do éxito colleitado este ano. "Será un festivo local que se fixará en detrimento do Martes de Entroido, posto que en Lugo vívese máis en primeira persoa o Arde Lvcvs”, suliñou.

Desfile de romanos no Arde Lucus do 2016
Desfile de romanos no Arde Lucus do 2016 | Fonte: JCS

A rexedora falou dun “sentir xeneralizado” a favor deste cambio, para o que se terá en conta a opinión dos distintos colectivos da cidade. Unha propsota que fai tras cualificar como "moi positivo” o Arde Lvcvs 2016, que se celebrou dende o pasado xoves ata o domingo á noite na cidade e na que, dixo, participaron máis de 600.000 persoas.

Méndez subliñou a implicación total do pobo de Lugo, “que se volcou novamente con estes festexos e volveu a saír ás rúas impregnadas da nosa historia e do noso pasado, para que non soamente sexa presente senón futuro, como un elemento vertebrador máis da cidade”.

"Queremos vivir do turismo e que este sexa parte do motor económico da cidade, o que pasa por poñer en valor a riqueza que temos, ao que contribúe notablemente o Arde Lvcvs”, engadiu. A rexedora tamén subliñou o éxito total de participación, coas rúas cheas de xente, “poñendo en valor a cultura romana”, dende nenos a maiores, de asociacións, colectivos e cidadáns volcados coas máis de 400 actividades organizadas.

Declaración Festa de Interese Turístico Nacional

A alcaldesa tamén confirmou que o Goberno está traballando co obxectivo de que o Arde Lvcvs sexa declarado este mesmo ano Festa de Interese Turístico Nacional, logo de quince anos aumentando o seu poder de convocatoria. Neste punto, Lara Méndez informou de que ao longo desta fin de semana o presidente da Asociación Española de Festas e Recreacións Históricas, Antonio Madrid, visitou a festa, e se amosou sorprendido pola implicación de toda a cidade.

Este ano e por primeira vez, o Arde Lvcvs durou 4 días, posto que Lugo celebraba o décimo quinto aniversario deste festexos de recreación histórica. Nesta liña, a rexedora subliñou a aceptación que tivo entre os lucenses a prolongación da festa, un aspecto que está aberto á súa consolidación para vindeiras edicións.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

2 Julius Caesar

A celebración do san Froilán é unha mostra máis da submisión do poder civil ao relixioso. Tralo éxito do Arde Lucus, unha iniciativa do movemento 15-M, deben prohibirse as festas relixiosas. Coa inminente tomo do poder por de Podemos acabaranse os privilexios da Igrexia

1 Haiquebebermenos

Eu creo que non había 600000 persoas senón 6 ou 7 millóns. Creo que sería mellor quitar tamén o San Froilán pois chove moito e non veñen os turistas. Outra idea sería cubrir cunha carpa todo o interior das murallas así os turistas non mollarían os pes, pois as sandalias de romano son moi lixeiras.

1 BebeLucus

hai que chutarse menos pacorodriguezcina en vena!!