Nace a plataforma Sanidade Galega con Palestina que pide o boicot a Israel

Unha asemblea celebrada este domingo 24 reuniu a profesionais de distintos colectivos que traballan no sistema de sanidade galego, onde acordaron a creación dunha plataforma chamada Sanidade Galega con Palestina. Esta insta as autoridades sanitarias e científicas a cortar lazos institucionais e económicos co Estado de Israel.

Segundo un comunicado difundido polos promotores, ademais de romper relacións con Israel, a súa intención é "agrupar persoas do ámbito sanitario que rexeitan o xenocidio en Palestina" e instar a que todos expresen a súa repulsa aos feitos e amplificar o movemento de boicot.

Os representantes de Sanidade Galega con Palestina subliñan a necesidade de evitar a prescrición e dispensación de produtos de grandes farmacéuticas israelís e marcas asociadas. No entanto, reclámase o posicionamento "inmediato" de sociedades científicas e colexios profesionais, ademais de esixir ás distintas institucións gobernamentais a posta en marcha de accións eficaces para frear as mortes en Gaza.

Boicot a Israel e liberdade para Palestina