Yolanda Díaz non entra a valorar se Sánchez volverá presentarse á Presidencia e non aclara se o fará ela: "Non estou nestas"

A vicepresidenta segunda do Goberno e ministra de Traballo, Yolanda Díaz, non entrou a valorar o anuncio do presidente do Executivo central, Pedro Sánchez, de que se presentará á reelección en 2027. "Non fago valoracións, nin do presidente do Goberno... O que me faltaba a min, que eu valore as decisións políticas que toman dirixentes políticos", afirmou a preguntas da prensa en Ferrol este xoves. Preguntada sobre se ela mesma volverá presentarse ás próximas eleccións xerais, Díaz eludiu aclaralo. "Non estou nestas", limitouse a dicir. Así o expuxo durante unha visita ás instalacións de Navantia en Ferrol, onde mantivo un encontro co comité de empresa.

CRÍTICAS XUÍZ PEINADO

Por outra banda, Díaz insistiu, igual que fixo o pasado mércores, en que "a instrución que fixo o xuíz Peinado" sobre o caso que afecta á presidenta do Goberno, Begoña Gómez: "Vaise a estudar, como negativa, en todas as facultades de Dereito do noso país e do mundo". "Cando falamos de presuntas actuacións incorrectas no mundo da xustiza, estamos a ver claramente do que estamos a falar", agregou.

A vicepresidenta segunda do Goberno e ministra de Traballo e Economía Social, Yolanda Díaz, ofrece declaracións á prensa tras visitar as instalacións de Navantia en Ferrolterra, a 25 de setembro de 2025, en Ferrol | Fonte: Raúl Lomba