A Xunta irá a xuízo polos 4.000 millóns de débeda que o Goberno lle quere perdoar a Galicia
O Goberno galego confirma que presentará alegaciós ao anteproxecto de lei.
Por Europa Press / Redacción | SANTIAGO DE COMPOSTELA | 06/10/2025 | Actualizada ás 14:23
O conselleiro de Presidencia, Xustiza e Deportes, Diego Calvo, avanzou que a Xunta presentará alegacións contra o anteproxecto de lei de condonación da débeda e volveu a reclamar que se negocie un novo modelo de financiamiento. Así o trasladou este luns en rolda de prensa tras o Consello da Xunta, que presidiu ante a ausencia do presidente Alfonso Rueda, que pasará esta semana uns días de descanso.
Segundo destacou Calvo, o Goberno galego rexeita esta medida porque "non se perdoa a débeda ás comunidades, senón que a pagan "entre todos". "É unha medida inxusta e que se aplica con criterios arbitrarios e non técnicos", reiterou.
Nesta liña, insistiu en que Galicia "está en contra" porque "non se vai a traducir nunha maior capacidade de gasto" e subliñou que "non cumpre co fin para o que supostamente foi concendida". "Non vai reforzar nin a mellorar a sustentabilidade financeira das comunidades. Reclamamos que se negocie un novo modelo de financiamiento segundo as características de cada comunidade", aseverou o conselleiro de Presidencia.
