A nova Xunta reduce 59 altos cargos

A nova Xunta reduce de 125 a 66 de direccións e secretarías xerais e delegacións provinciais. Destas últimas, suprimense 51, ao crearse cinco "superdelegados". A actual Xunta recupera elementos do organigrama da Xunta de Fraga como a Dirección Xeral de Vivenda e Solo ou que Turismo pase a depender de Cultura e Política Lingüística de Educación...

Por Galicia Confidencial | Galicia | 21/04/2009 | Actualizada ás 18:18

A Presidencia da Xunta asume a Secretaría Xeral para o Deporte así como unha nova Secretaría Xeral de Modernización e Tecnoloxía, a Secretaría Xeral de Igualdade (antes dependente da Vicepresidencia) e manten Emigración e a Secretaría Xeral de Comunicación.

A Consellería de Presidencia, Administracións Públicas e Xustiza contará con sete direccións xerais, entre elas unha que fusionará as anteriores secretarías xerais de Relacións Institucionais e de Relacións Parlamentarias. Tamén coordinará a Secretaría Xeral de Relacións Exteriores e coa Unión Europea.

Traballo e Benestar terá a maior parte das áreas da Vicepresidencia e de Traballo e incorpora unha nova Secretaría Xeral de Familia e Benestar e unha Dirección Xeral de Dependencia e Autonomía Persoal. Nesta Consellería intégranse tamén o Consorcio de Servizos Sociais e Sogaserso.

A Dirección Xeral de Función Pública pasa a Facenda. A Consellería de Economía e Industria terá entre as súas competencias todas as da anterior Innovación e Industria e, a maiores, o Igape, XesGalicia ou BIC Galicia.

Medio Ambiente, Territorio e Infraestruturas asume as direccións xerais de Política Territorial, Obras Públicas e Transportes e converte a anterior Consellería de Vivenda no Instituto Galego de Vivenda e Solo, como na anterior Xunta de Fraga. Desaparece SPI e Aceusa e ccrease a Axencia Galega de Estradas. Toda a política de ordenación do territorio queda integrada neste departamento, que tamén asume a maior parte das competencias da antiga Consellería de Medio Ambiente. Así, xestionará Augas de Galicia e crea unha Dirección Xeral de Sostenibilidade e Paisaxe.

A Consellería do Mar asume as anteriores competencias de Pesca e incorpora o ente Portos de Galicia.

Pola súa banda, Medio Rural incorpora ás súas competencias a Dirección Xeral de Conservación da Natureza. A Dirección Xeral de Industrias Agropecuarias únese a Industrias Forestais.

A área de Sanidade mantén a mesma estrutura que co bipartito aínda que unifica as dúas direccións xerais que tiñan no departamento de Sanidade Pública e Planificación.

O departamento de Cultura recupera as competencias de Turismo nunha Secretaría Xeral, mentres que o de Educación asume Política Lingüística e unha nova Secretaría Xeral de Universidades, que englobará dúas direccións xerais actuais. Ademais, amplía a súa estrutura cunha Dirección Xeral de Centros e Recursos Humanos.

26 anónimo

funcionario, a moitos dos secretarios provinciais nen subindolles o nivel farían algo con xeito ou por si mesmos. uns cantos adícanse a meras cuestións de trámite e pouco complicadillas e no resto "si wuana" porque en dous aniños consolídase o nivel máximo e cando chegue o cese a outra cousa mariposa e a vivir que sou dous días ... a estes a outras moitos altos cargos é aos que se lles tería que facer unha avaliación contínua e, logo, pagarlle o específico en función da calidade e cantidade de traballo desenvolvido.

25 anónimo

Xa empezamos... que en Ourense fáise así porque Baltar quere a todos como a un fillo, é os fillos teñen que estar ben coidados e ter boa atención, e por iso uns son colocados de porteiros e outros dentro do edificio, ata chegar ao PAROXISMO BALTARIANO que consiste en que TODO OURENSÁN EN EDADE LABORAL QUE VOTE PEPÉ TEN QUE TRABALLAR NA DIPUTACIÓN OU SATÉLITES. AMÉN

24 Pardo de Cela

Feijoo "reduce 59 altos cargos": efectivamente, foron substituidos por homes e mulleres de menos de 1,55 m. de estatura e destinados a non sei que edificios da Deputación de Ourense, donde hai máis porteiros que en todo o edificio da Xunta en San Caetano - Compostela

23 anónimo

E non será que foi o Rueda o que non quería NIN DE COÑA facerse cargo da DXFP?

22 Funcionario

Canta xente hai por aquí que fala sen saber.
Aínda non se sabe como van quedar as delegacións e xa estades criticando.
En cada delegación hai un delegado provincial e un secretario provincial, o que se podería facer é aumentarlle o nivel aos secretarios provinciais e darlles máis funcións, e desta forma poder prescindir dos delegados.
Vamos que non é tan complicado.