O primeiro festival de Galicia a bordo dun barco
Bluscus, empresa especializada en turismo mariñeiro, organiza un ciclo de concertos nun buque que navega pola Ría de Vigo.
Por GC Tendencias | Vigo | 01/08/2016 | Actualizada ás 17:00
O blues de Andhrea and the Black Cats o 5 de agosto. A música tradicional de Aureas o 12. O country rock de Pardo o 15 e o Gypsy Jazz de David Regueiro o 26 de agosto. Este é o cartel dun festival moi especial que está a piques de empezar, Agosto na Ría.
Unha experiencia única cun aforo máximo para 40 persoas por concerto. As entradas poden mercarse en ataquilla.com
Neste festival conflúe toda unha experiencia única cunha maridaxe perfecta de música en directo, anoitecer, navegación nunha goleta antiga e un escenario único coas Cíes, as bateas ou a ponte de Rande. A organización oferta ademais un brinde co viño branco galego Marqués de Vizhoja. Ademais, haberá unha degustación gastronómica a bordo.
