Temas: LIDIA SENRA AGE

A eurodeputada de AGE esixe a Feijóo que cumpra as leis galegas e a Carta Europea de Linguas Minoritarias

Lidia Senra cualifica de "claro retroceso no proceso de normalización" do galego o novo decreto que regula a atención á cidadanía no sector público autonómico de Galicia.

Por Europa Press / Redacción | SANTIAGO DE COMPOSTELA | 17/09/2016 | Actualizada ás 13:55

A eurodeputada de AGE, Lidia Senra, esixiu ao presidente da Xunta e candidato popular á reelección, Alberto Núñez Feijóo, que cumpra coas leis galegas e a Carta Europea de Linguas Minoritarias e cualificou de "claro retroceso no proceso de normalización" do galego o novo decreto que regula a atención á cidadanía no sector público autonómico de Galicia.

A parlamentaria europea insta a Feijóo a "dar marcha atrás" neste tipo de políticas que, na súa opinión, "van contra os dereitos do pobo galego e mesmo contra as leis que o propio PP aprobou no seu día", en relación ao Estatuto de Autonomía, á Lei de Normalización Lingüística e á Lei de Uso do Galego.

"Estas tres leis, aprobadas no seu día tamén cos votos do PP a favor e co apoio unánime de todos os grupos, recoñecen o galego como lingua propia de Galicia. Non obstante, en pleno 2016, Feijóo acaba de aprobar que as administracións públicas poidan contestar en castelán, un feito de tal indecencia que fai que a dereita non cumpra nin as súas propias normas,", denunciou Lidia Senra en relación ao anuncio realizado polo presidente galego este xoves, pero matizado posteriormente.

Ademais, a eurodeputada advírtelle ao líder do PPdeG que, de non dar marcha atrás, "o Consello de Europa, ao igual que xa o fixo a principios deste ano no seu informe, volverá tiralo das orellas a úntaa por non cumprir coa Carta Europea das Linguas Rexionais ou Minoritarias".

"É unha vergoña que en lugar de dar pasos a favor da normalización do galego, Feijóo utilice a súa maioría absoluta para blindar, a unha semana das eleccións galegas, e no ano no que se cumpre o centenario das Irmandades dá Fala, o uso do castelán por parte da Administración pública galega," defende Lidia Senra, que considera que "a nefasta política" de Feijóo "tivo consecuencia" unha "perda importante de falantes en galego".

Noticias relacionadas

Temas: LIDIA SENRA AGE

3 nostrus

Eu coñecia a Lidia hai trintaetantos anos cando estudaba en Monforte e podo atestiguar que xa daquela era nacionalista e dende logo vese que non avanzou nada.Hai algun tempo soltou unha das suas tontadas dicindo que os galegos temos que ter soberania alimentaria, sin exportar nin importar nada. Vamos que temos que comer todo o que temos aqui, inda que non nos guste, e non podemos comer o que nos guste si é de fora. Claro exemplo de que os que presumen de progresistas en realidade son retrasistas.

1 Produtor

Non entendes nada de nada, Nostrus, es un auténtico analfabeto ou é que a túa cegueira sectaria impide que vaias máis alá. Revisa un pouco por aí o que é a soberanía alimentaria (parece que tes acceso a internet) e logo falamos. Cando a sociedade de países como Alemaña, Dinamarca, Suecia, etc. está volvendo os seus ollos cara aos produtos de proximidade (pan artensán, froita e legumes de tempada, etc.) ti has seguir comprando pementos de Marrocos en febreiro, leite en pó de vacas irlandesas tratada por Reny Picot, peixe do Pacífico que sabe dios como chega e pan precociñado elaborado ("elaborar" xa é dicir moito) nun polígono de Torrelodones. Ala, aliméntese mellor e trate de coidar os produtores locais, cuxo beneficio redunda no benestar de todos.

2 nostrus

Produtor, deixame a min como consumidor decidir o que quero comer e deixemos tamen ao resto da xente. Mellor será para todos que eu consuma cava catalan, anchoas de Cantabria e que os cántabros e catalans consuman o noso marisco, mellor sera deixarme a min escoller a mercar un Citroen ou uin Seat igual que os catalans e non estar condenado a ter eu un Citroen e os catalans estar condenados a mercar Seat, mellor sera que eu poda acceder a consumir naranxas de Valencia e os valencians que podan consumir os nosos grelos. Atentar contra o comercio é antiprogresista e estúpido, pero tamen o nacionalismo é algo estúpido.

3 Produtor

Definitivamente non dás. Falas dun comercio libre no que podes escoller o produto que queiras e é unha soberana mentira. Non coñeces nin o funcionamento básico do sistema económico no que vivimos. Pensas que es libre por escoller entre Zara ou H&M cando o comercio está trabado por aranceis, a imposición de condicións de numerosas distribuidoras e da empresa transformadora (sóache de algo isto no tema do leite galego?) ou tratados de libre comercio que xogan coa nosa saúde e os nosos dereitos laborais. para ti liberdade como comprador suporá comprar todos os domingos do ano mentres os autónomos das cidades comen os mocos porque non poden competir coas grandes superficies. Para ti libre comercio é o pacto de Repsol e Campsa. Vamos, que non te entereas. Lidia Senra non di que non poidamos comprar cava catalán (iso dío o PP e Ciudadanos coas súas chamadas ao boicot contra Catalunya) nin anchoas de Cantabria, estás moi equivocado.

4 Produtor

Trátase de apoiar o comercio de proximidade por razóns económicas e de saúde alimentar, de poder seguir a trazabilidade do produto, de respectar os ciclos produtivos da terra e o mar. Alá ti co teu nihilismo. Segue comprando produtos baratos en Mercadona arrincados da pel dos produtores (de Andalucia, de Valencia, de Galiza, de Castela...) ou panga e ameixa asiáticos mentres a UE obriga a tirar os descartes da nosa frota. Compra un ti o peixe do Pacífico que rompeu varias veces a cadea de frío e chega á túa mesa estragado ou compra a carne con clombuterol de Arxentina e Brasil, pero deixa que un goberno cos pés na terra mire pola nosa saúde e o noso benestar.

5 nostrus

Produtor. Para empezar non te creas mais listo ca min porque non tes motivos. Tamen che digo que non che quito parte de razon no que dis porque eu concordo bastante contigo, pero o que pretende lidia Senrra é que os galegos teñamos cero comercio, que comamos todo o que temos aqui sin que sobre nin falte nada, que comamos o queixo galego e non comamos manchego, que bebamos viño albariño e non bebamos rioja. Tal vez pensando que asi sairiamos gañando porque pensamos que os demais non farian o mesmo. Si nos non mercamos o de fora...¿quen vai mercar o noso?. Cada un que consuma o que prefiera e todos estaremos contentos e por eso non perxudicaremos os nosos produtos porque os de fora tamen os consumiran. por outra banda si nos mercamos só produtos galegos e o produtor ten o mercado asegurado non se esmerará en ter produtos de calidade. En todas partes hai cousas boas e non tan boas, pero que sexa o consumidor quen decida.

2 nostrus

O catolicismo tamen é a relixion propia de Galicia e de feito aqui temos ao apostolo enterrado; pero eso non supon ningunha obriga para os galegos e cada un elixe si quere ser catolico ou non. Imaxino que vos laiariades si dende o mundiño ultracatolico se esixira que en todos os despachos oficiais houbera un crucifixo apelando a cristiandade de Galicia e para que non descendera o numero de fieis. Eso non pasa porque os ultracatolicos son mais tolerantes que os ultragalegos que piden que use o galego quen non queira, porque o que quere non ten ningun atranco. O galego é unha lingua oficial en Galicia para que cada un o use na dose que lle dea a gaña.

1 cala a boca burro

fai o favor de ponher "prisciliano" en google, lé un pouco polo miudo, un minuto ou dous e logo considera as razóns polas que se puido originar o mito do "apóstolo" e cual estado segue a promocionar a crenza por motivos nacionalistas e de control dos povos alheios.

1 Pazo con criados

E por que fala en castelán cando pode falar en galego na Eurocámara? Despois apoian a Marta Rivera de la Cruz e non pasa nada. Ou si porque moita xente esta cabreada con vos

1 anonimo

Que si...

2 teutonio

Razón non che falta, porén por outra banda hai que entender que existe xente con limitacións lingüísticas e que hai que facilitar o traballo aos tradutores das institucións europeas. A min paréceme ridículo que un galegofalante non sexa capaz de aprender un mínimo o léxico e fonética portuguesa pra esta situación tan específica, mais, por outra banda, iso requeriría so poder presentar pra estas eleccións a persoas cunha serie de competencias, o cal é democraticamente inxusto. Aínda que por outra banda no Parlamento Europeo non se fai so política no hemiciclo, tamén nos escritorios e corredores e se un non se pode entender máis que en dúas linguas minoritarias na UE (galego-portugués e castelán), non poderá realizar un traballo igual de bo.