O Claustro da USC debaterá este xoves as liñas xerais do presuposto

O Claustro da Universidade de Santiago (USC) reunirase este xoves, día 3 de novembro, para someter a aprobación as liñas xerais do presuposto e a actualización da Programación Plurianual.

A reunión, que poderá seguirse en directo a través da USC TV, terá lugar a partir das 9,30 horas -10,00 horas en segunda convocatoria- no salón de actos da Facultade de Ciencias da Comunicación.

Segundo informou a USC, a sesión comezará coa presentación do informe do reitor e rematará coa elección de representantes do sector III do alumnado na Mesa do Claustro, nas comisións do Claustro, na Comisión Electoral Central e no conselo de Goberno.