Por ediSCQ - Ana Chouciño | Edimburgo | 10/11/2016 | Actualizada ás 12:25
11 – 26 novembro
Inauguración: 11 novembro, 18-20
Carolina Cruz Guimarey está a camiñar en círculos nun parque de Edimburgo. Manifesto de Resistencia e reflexo da natureza: camiñamos en círculos mentras a terra xira ao redor do sol, mentras a lúa xira ao redor da terra. Camiñamos en círculos como un can prisioneiro ao redor da súa caseta.
Carolina documentará esta acción da que non quedarán pisadas, detallará tempo e lugar para reivindicar o significado do insignificante.
A mostra terá lugar na galería Interview Room 11, de Edimburgo. Atópase en Ocean Terminal, un centro comercial nas aforas da cidade. Este contexto, totalmente dirixido ao consumo, fai máis impactante a improductividade desta acción, andar en círculos sen nengún obxectivo concreto, sen deixar pisadas.
Esta exposición contará tamén con anteriores traballos da artista galega, fotografías no que o seu corpo se funde coa natureza creando así un universo híbrido entre o real e o inventado.
Este proxecto é posible gracias a Acción Cultural Española (AC/E) gracias a súa modalidade de Movilidad del Programa de Internacionalización de la Cultura Española (PICE). Conta, además, coa colaboración do Consulado General de España en Edimburgo e ABZ Spanish Food Distribution.
Ana Chouciño
A distancia ás veces danos perspectiva; outras, simplemente, fainos idealizar o que botamos en falta. Escribirei desde Edimburgo, sobre Edimburgo e sobre Santiago. Contareivos como unhas cidades se inventan e outras se lembran e como ao final todo é o mesmo.
linkedin.com/in/anagonzalezchoucino
Le máis artigos de Ana Chouciño aquí.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.