As escritoras triunfan nos Premios Follas Novas do Libro Galego ao levar o galardón en 10 categorías

As escritoras acapararon a novena edición dos Premios Follas Novas do Libro Galego ao facerse co galardón en 10 categorías das 13 que hai nestes premios. A gala celebrouse no Teatro Principal de Santiago de Compostela e repasou a "intensa e prolífica" actividade do mundo do libro durante o ano 2023.

Estes premios, explicaron desde a organización, reivindican a excelencia alcanzada en 2023 en librarías e editoras e destacan tamén o papel das autoras galegas que dominaron en case todas as categorías. O acto volveu a representar o excelente momento creativo da comunidade do libro en Galicia e volveu a pór de manifesto a necesidade de que esa creatividade estea acompañada por políticas que incrementen a visibilidade e a presenza do libro e da literatura galega na sociedade.

Entre as obras premiadas atópanse 'Ser Cetáceo. O fascinante inverno do animal de fondo', de Francisco Xosé Fernández Naval; 'O cento voando. Amores, alianzas emonogamias', de Andrea Nunes Brións e Ánxela Lema; 'Cinco corujas', de Susana Sanches Arins; 'A botella de lentellas', de Leticia Barbadillo; e 'Burbullas de calma serena', de Andrea Maceiras, entre outros. Estes galardóns están organizados pola Asociación de Escritoras e Escritores en Lingua Galega (AELG), a Asociación Galega de Editoras (AGE) e a Federación de Librarías de Galicia (FLG).

Novena edición dos Premios Follas Novas do Libro Galego | Fonte: PREMIOS FOLLAS NOVAS