A Xunta retira o temario do proceso selectivo de Gardacostas denunciado polo CSI-F

A Dirección Xeral de Función Pública retirou da Mesa Xeral o temario específico do proceso selectivo para Gardacostas despois de que o CSI-F denunciase que era "idéntico ao 100 por cento ao que imparte unha academia privada de preparación de oposicións da provincia de Pontevedra dende hai ano e medio".

O sindicato asegurou que a Xunta lles trasladou que a Consellería do Mar, onde se incorporarán os opositores, iniciará tamén un proceso de investigación interna "por se fose necesario depurar responsabilidades".

De boto, CSI-F denunciara tamén que "curiosamente" a academia que ensinaba este temario "ten contratado como profesor para preparar estas oposicións a un inspector da Consellería do Mar".

Para o sindicato, a coincidencia dos epígrafes temáticos demostra a "falta de control dos procesos selectivos e a conivencia da Administración con grupos privados de preparación de oposicións en detrimento da Egap".