Cortado un carril da A-52 en Toén (Ourense) polo accidente dun camión

A Garda Civil de Tráfico mantén pechada á circulación dun dos carrís da A-52 en dirección a Vigo a causa do accidente dun camión de transporte de animais vivos que se saíu da vía esta madrugada.

Segundo a información da Garda Civil, o sinistro tivo lugar sobre a 1,50 horas da madrugada deste venres no quilómetro 236,4 da A-52, cando o camión con remolque, que transportaba polos cara ao matadoiro de Coren, se saíu da vía e envorcou sobre a cuneta.

Ata o lugar foron mobilizados efectivos da Garda Civil e de Mantemento para regular o tráfico e sinalizar o sinistro, que non causou feridos nin retencións de tráfico.

A primeira hora da mañá continúa o corte no carril dereito mentres se procede á retirada do camión.