Dúas persoas feridas nun accidente de tráfico en Monterroso (Lugo)

Unha colisión por alcance entre dous vehículos deixou dúas persoas feridas en Monterroso (Lugo), aínda que segundo informou o 112 Galicia, o seu estado non reviste gravidade.

O sinistro tivo lugar na estrada que une a localidade con Taboada, á altura do lugar de Goimil, na parroquia de Sucastro.

O 112 Galicia tivo constancia do accidente cara ás 17,45 horas, a través de alerta de Urxencias Médicas.

O persoal da central de emerxencias informou dos feitos aos Bombeiros de Chantada e o GES de Monterroso. Tamén se comunicou o acontecido a Protección Civil e a Garda Civil de Tráfico.