Talabarte leva as músicas de 'Fake' á Mariña Lucense

O grupo Talabarte levará esta semana as músicas do seu traballo 'Fake' ata a Mariña Lucense, cun concerto o mércores na Casa da Cultura de San Cibrao, en Cervo.

O novo traballo da formación integrada por Quim Farinha, Pedro Pascual e Kin García recolle ritmos bailables de tradición europea e a inspiración dalgunhas historias e lendas curiosas como a do monstro do Lago Ness ou a de Prisciliano.

Estes "fakes" históricos inspiraron diversos temas que xa soaron en citas como o Kultur Leioa ou o Opening Concert del Womex e que chegan a Cervo coincidindo co Día dos Inocentes.

'Fake' saíu á venda o 18 de novembro nun gran formato, un CD de 12 temas dentro dun libro disco con ilustracións de Pablo Pastor e textos de Carlos Meixide.