O dúo de saxos 'inStabiles ensemble' ofrecerá o próximo martes un concerto solidario no paraninfo da USC

O dúo de saxos 'inStabiles ensemble' ofrecerá este martes un concerto solidario no paraninfo da Universidade de Santiago en favor da Cociña Económica da capital galega.

A entrada ao espectáculo será gratuíta pero os asistentes poderán facer achegas económicas que irán destinadas á Cociña Económica de Santiago, segundo informou a USC.

O dúo, integrado por Adrián Pas e Xabier Casal, interpretará seis pezas de diferentes épocas de varios compositores como Juan Eiras, Wilhem Friedemann Bach, Carl Philipp Emanuel Bach, Paul Hindemith, Bruno Mantovani e Francis Poulenc.