O Mosteiro de San Clodio de Leiro (Ourense) será o primeiro spa de 'vinoterapia' de Galicia

O Mosteiro de San Clodio de Leiro (Ourense) converterase, unha vez finalicen as obras de rehabilitación do complexo, no primeiro spa de 'vinoterapia' de Galicia.

Así, as obras, que afectan á nave lateral deste complexo que ten a súa orixe no século X, dotarán o mosteiro de vestiarios e tres salas de masaxe para ofrecer servizos de "tratamentos específicos con vinoterapia".

Ademais, segundo informou a Xunta, o espazo contará cunha sala de relax, sauna, un vaño de vapor, duchas de contrastes, 'spa-piscina' de 40 metros cadrados e zonas de descanso.

Este venres, a directora de Turismo de Galicia, Nava Castro, visitou o mosteiro xunto á delegada territorial da Xunta na provincia de Ourense, Marisol Díaz Mouteira, onde destacou que o termalismo é "un recurso estratéxico para o desenvolvemento turístico económico" de Galicia.

Deste modo, Castro apuntou que Galicia conta, grazas ao termalismo, cunha "vantaxe diferenciadora e competitiva respecto a outros destinos tanto a nivel nacional como internacional.

Neste sentido, recordou que existen "máis de 300 captacións catalogadas" das que "máis dunha vintena teñen a cualificación de balneario", o que supón que a comunidade galega se sitúa como "segundo destino europeo en potencia termal, solo por detrás de Budapest".