Paradores presenta un novo menú gastronómico da man de Mario Sandoval

O equipo gastronómico de Paradores deseñou unha nova oferta gastronómica en colaboración co chef Mario Sandoval, no que destaca a cociña tradicional española, e que percorrerá varios restaurantes da rede da cadea hoteleira, incluídos os de Baiona e Santiago.

Os xefes de Cociña dos restaurantes Especia dos paradores de Alcalá de Henares, Cuenca, La Granja e Chinchón levan meses traballando con Sandoval e o seu equipo. Tamén estará dispoñible nos paradores de Baiona, Cáceres, Cádiz, Cangas de Onís, Carmona, El Saler, Granada, Jaén, Jávea, La Gomera, León, Lerma, Málaga Golf e Gifralfaro, Plasencia, Ronda e Santiago de Compostela

Utilizando pratos representativos de cada zona xeográfica de España o menú da tempada invernal componse de Polbo Sanabresa (Castilla-León); Cardo con crema de pataca revolcona (La Rioja, Aragón e Navarra); Ovo "poché" (Madrid); Alcachofas con Romescu (Cataluña e Comunidade Valenciana); Arroz con bogavante (Galicia, Asturias e Cantabria); Rabo de touro (Andalucía) e Biscuit de Higos.

Un menú que aposta por transmitir os valores da cociña de Paradores, as bases tradicionais da nosa gastronomía e axuntala con aires de modernidade, destaca a cadea hoteleira.

Paradores é un referente da gastronomía local española desde os seus inicios hai 88 anos. A utilización de materias primas locais, as receitas rexionais e tradicionais unidas a un excelente servizo foron o eixo da súa oferta e na actualidade este tres puntos son os que marcan a tendencia gastronómica actual.

A través de talleres de cociña, estanse revisado estas receitas tradicionais onde Sandoval achega unha visión moi enriquecedora con técnicas de elaboración e presentacións actuais para ofrecer unha nova visión das mesmas.