Porque contrata o Xacobeo 2010 ao Sonar?

Resulta que Sallent, unha das persoas que influíu na incorporación do Sonar ao  Xacobeo, traballou polo menos doce anos na organización do festival. De feito, no sector da comunicación da capital catalá é coñecida como “Gloria de Sónar”, segundo ela recoñece no seu perfil na páxina Urban Junkies.

“Especialista en youth-culture marketing e organización de eventos”, a labor de Sallent no Xacobeo foi xa criticada en dúas ocasións.

Os anuncios do Xacobeo faranse en Madrid

En primeiro lugar, por motivo da adxudicación do contrato para facer os anuncios. Foron 543.000 euros para a axencia madrileña Ruiz Nicoli. Unha escolla que molestou a moitos publicistas do país, que non entenden como unha axencia foránea pode ser escollida para vender os atractivos de Galicia.

Ruiz Nicoli gañou o concurso gracias a que o tribunal, no que Sallent actuou como asesora de comunicación, deulle 45 puntos en concepto de orixinalidade, fronte a 34 da segunda clasificada, segundo publicara ANT.

Contratar a Google non saíu ben

A segunda polémica é a contratación doutra firma foránea, neste caso a americana Google para que incorporase o Camiño Francés ao seu rueiro en 3D Street View.

Despois de que Feixóo gabaran a ferramenta con frases como “Google transforma aos internautas en peregrinos", a edición galega de El País revelou como en realidade a multinacional limitarase a filmar parte do camiño dende a estrada.

Sallent tivo que sair finalmente a dar a cara e recoñecer que o Goberno pediu explicacións a Google porque sentíase enganado xa que “facer o camiño para nós non é facer a carretera”.