A galega que foi a primeira muller á que o Supremo permitiu cambiar de sexo defende a Hazte Oír
A viguesa Charlotte Goiar apoia o autobús que puxo en circulación a organización ultracatólica porque defende "o normal", di.
- “Vivimos un espellismo de normalización do colectivo LGTB”
- O colectivo LGTBI galego denuncia a pasividade da Xunta ante a campaña homofóbica de Hazte Oír
- A organización ultracatólica Hazte Oír reparte panfletos en colexios galegos contra a diversidade sexual
Por E.P. | Santiago de Compostela | 09/03/2017 | Actualizada ás 18:29
A primeira muller á que o Tribunal Supremo permitiu a reasignación de sexo, a viguesa Charlotte Goiar, compareceu este xoves xunto ao presidente de Hazte Oir, Ignacio Arsuaga, para defender o autobús que puxo en circulación a organización dentro da súa campaña contra o adoctrinamiento na escola porque defende "o normal".
"Non entendo por que se censura este autobús, porque isto é o normal. Desde pequena entendín que os nenos teñen pene e as nenas teñen vulva", expresou Goiar ante os medios de comunicación.
Así, Charlotte Goiar asegura non entender que se "censure o autobús", porque "é unha realidade biolóxica básica". "Estamos no século XXI e a Constitución española recoñece a liberdade de expresión", apuntou.
Ademais, indicou que "os pais teñen o dereito a educar aos seus fillos como queiran e non se lles pode impor aos fillos barbaridades". "É como impor unha relixión á forza; non é normal", engadiu.
Por outra banda, Goiar achacou a un "lobby LGTBI ou transexual" a pretensión de querer confundir á xente. "Queren facer ver que o anormal, como unha nena con pene, que necesita tratamento médico, necesita un diagnóstico, é algo normal, e promovelo e levalo ás aulas", explicou.
Neste sentido, Goiar cualificou de "tremendo" que se utilicen "fotografías explícitas de nenos" para educar en ideoloxía de xénero.
Charlotte Goiar indicou que foi diagnosticada dunha patoloxía de intersexualidade conxénita. "É unha patoloxía real, que existe e está aí e denomínase incongruencia de xénero pola Organización Mundial da Saúde", dixo.
