A Policía busca a dous encapuchados que atracaron unha sucursal de Correos no barrio vigués Teis

A Policía Nacional busca a dúas persoas que atracaron portando coitelos e encapuchadas unha sucursal de Correos situada no barrio vigués de Teis.

Segundo informaron fontes policiais, o suceso tivo lugar sobre as 20,00 horas na rúa Purificación Saavedra.

Polo momento descoñécese a cantidade coa que puideron facerse os asaltantes, precisaron as mesmas fontes, que sinalan que "en todo caso, non será moi alta".