Uli Jon Roth, exguitarrista dos Scorpions, chega á Coruña da man do SON Estrella Galicia

Uli Jon Roth, guitarrista da banda Scorpions entre 1973 e 1978, ofrecerá esta semana un concerto na Coruña dentro do festival SON Estrella Galicia. En concreto, a cita será o vindeiro venres, día 14, ás 22,00 horas, no Le Club Directo.

Segundo apuntou a organización, aos seus 62 anos, Uli Jon Roth é unha das grandes figuras do rock "máis veneradas". Durante a súa etapa como guitarra solista en Scorpions gravou cinco álbums, entre os que se destaca 'Tokyo Tapes', publicado en 1978 e que supuxo un traballo de referencia no xénero. Xusto nese ano o guitarrista decidiu comezar a súa carreira en solitario, fundando a banda Electric Sun.

En 2016, Roth presentou 'Tokyo Tapes Revisited - Liv In Japan', un disco tributo ao traballo orixinal que gravou cos Scorpions en 1978 antes da súa marcha.

Na súa VIII edición, SON Estrella Galicia mantén a súa aposta pola música alternativa, que mestura estilos diversos, fusiona xéneros e crea tendencia sen esquecer aos clásicos. Un ciclo anual que vai contar con máis de 150 concertos en 16 cidades repartidas ao longo do territorio nacional e tamén con directos alén do charco, en Brasil.