O Instituto da Familia de Ourense organiza un encontro de pais sobre "efectos cerebrais das novas tecnoloxías"

O Instituto da Familia de Ourense, dependente do Bispado da cidade, acollerá este xoves, día 4, a partir das 19,30 horas, un encontro de pais sobre 'Efectos cerebrais das novas tecnoloxías: a modificación da capacidade de razoamento e a sobrecarga cognitiva'.

Así, a última sesión dos Encontros de Pais desta entidade abordará dúas cuestións relacionadas co abuso das novas tecnoloxías por parte dos mozos, como son a modificación da capacidade de razoamento e a sobrecarga cognitiva.

A actividade estará protagonizada por unha conferencia do doutor Carlos Ferreiro García, á que seguirá un "intenso exercicio" de 'coaching' familiar que permitirá aos pais e nais visualizar que retos é "urxente acometer" na súa familia neste momento.