Educación pecha catro centros públicos
CPI Tomás de Lemos (Ribadavia), CPI Monte Caxado (As Pontes), CPI da Ribeira (O Porriño) e CEIP Emilio de Navasqüés (Outes). Estes centros de ensino público non abrirán o próximo curso, segundo os plans da Consellería.
Por Galicia Confidencial | Outes | 23/06/2017 | Actualizada ás 13:10
Nun comunicado, Comisión Obreiras critica á Xunta porque “só informase a través dos medios de comunicación”. A mesma crítica que remitiron á prensa os pais e nais do CEIP Navasqües, indignados pola decisión e que chaman á mobilización.
A central sindical carga contra a suposta mala fe da Administración, por comunicar o peche en vacacións e cando os pais xa formalizaron as matrículas para o próximo ano. CCOO-Ensino pide a dimisión do director xeral responsable desta situación, ou ben que o conselleiro o destitúa xa.
Os afectados non só os escolares e as súas familias. Hai moitos mestres que non saben onde traballarán no vindeiro curso. A central ofrécelle o seu asesoramento. Á Xunta, CC.OO. dille que “anteriores modificacións na rede de centros xa foron revogadas por diversas resolucións xudiciais”.
