Por Manuel Vilas | A Coruña | 14/09/2017 | Actualizada ás 09:45
A Lei obriga a anunciar e depositar no Rexistro Mercantil os plans de escisión, aínda que sexan parciais,como neste caso.
Unha escisión parcial prodúcese cando unha empresa se reestrutura, traspasando en bloque unha ou varias partes do seu patrimonio -que deben ser unidades económicas- a outras empresa beneficiarias diferentes, que poden ser de nova creación ou xa existentes. En termos moi xerais de dereito mercantil, unha escisión parcial é o contrario dunha fusión, implicando ademais que a sociedade escindida, neste caso a citada matriz, non desaparece.
Hijos de Rivera entregou o seu proxecto de excisión no Rexistro Mercantil da Coruña o 17 de agosto deste ano. GC pediu máis información ao grupo sobre a operación, e a empresa responde que estamos ante unha “restruturación interna mercantil” que "responde a unha reordenación de actividades". Ademais, deixa claro que "non afecta á propiedade da matriz, que sigue sendo a mesma" nin a actividade da empresa.
En todo caso, o movemento empresarial non debería ser produto de problemas económicos, pois en teoría Hijos de Rivera goza de boa saúde. Por exemplo, o ano pasado pagou 133,8 de impostos tras os seus beneficios no Estado, o 95% do total, o 5% restante pagounos en Brasil.
A centenaria cervexería herculina está dirixida Santiago Ojea Rivera, membro da familia fundadora.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.