Ferido de gravidade tras un accidente na vía que une Vila de Cruces e A Bandeira

Unha persona resultou ferida de gravidade nun accidente rexistrado na estrada que une Vila de Cruces e A Bandeira, en concreto no lugar de Merza.

Varios particulares comunicáronse co 112 Galicia para relatar o ocorrido. Sobre as 15.30 horas, o vehículo no que viaxaba a vítima saíuse da estrada e terminou envorcando, quedando atrapada no interior do turismo.

A central de Emerxencias solicitou a colaboración dos bombeiros, do GES de Lalín e dos axentes da Garda Civil de Tráfico.

Finalmente, tras ser liberado por persoal do Servizo de Prevención, Emerxencias, Incendios e Salvamento do Deza, o ferido foi evacuado en helicóptero medicalizado, con base en Santiago, por persoal do 061 e foi trasladado o Complexo Hospitalario Universitario de Santiago (CHUS).